Nadakpan sa kasundaluhan ang usa ka babaye nga nagbaton ug bala sa M203 rifle.
Sa interview sa RMN ngadto kang SPO3 Reynold Bangcong, imbestigador sa Quezon Municipal Police Station gibutyag niini nga nadakpan kini didto sa Barangay Merangeran, lungsod sa Quezon.
Naila ang suspek nga si Angelica Regasajo nga matud pa konektado sa Guerilla Front 6 sa NPA Southern Mindanao Regional Committee.
Matud ni Bangcong nga duha ka bala sa M203 ang nakuha gikan sa posisyon sa mao nga babaye.
Nasikop ang suspek human gihimo ang pursuit operation sa militar batok sa sobra 100 ka rebeldeng NPA nga milusob sa Davao Agri-Ventures Corporation (DAVCO) kung asa gisunog ang mga heavy equipment ug gikawat ang pipila ka mga armas.
Facebook Comments
