Babaye nakawatan sulod sa shopping center

Davao City – Midangop sa San Pedro PNP ang usa ka 49-anyos nga babaye nga si Maryjolly Sanoy, hamtong ang pangidaron, residente sa Rosal Alley San Pedro Ext., kinsa gikuotan sa may dalang San Pedro ning siyudad kagahapon sa udto.

Base sa report nga samtang namalit ang biktima sa usa ka shopping center sa maong lugar, daku nalang niyang kabalaka nga nawala na ang iyang pitaka nga dunay sulod nga kapin P10,000.

Nagtoo ang complainant nga gi-kuot kini sa wala pa mailhing suspetsado gani nag request pa kini sa CCTV footage sa maong establisemento aron makuha ang hulagway sa suspek.


Gumikan niini, subling nagpahinumdom ang kapulisan nga kanunay bantayan ang mga gamit ilabi na sa daghang tawo.

RadyoMaN Paul Canono

Facebook Comments