Babayeng naligo gibaklad

206

Davao City – Mag-atubang og kasong unjust vexation ang usa ka construction worker human matud pa nanilip sa usa ka babaye samtang naligo sulod sa banyo sa balay nga iyang girentahan nahitabo alas-7:30 sa buntag sa may Limousine St. Brgy. Wilfredo Aquino, siyudad sa Davao.

Sa report gikan Sta. Ana PNP, ang suspect nga naila nga si Joseph Dumanhug, 33-anyos, minyo, netibo nga taga-San Antonio, Babak, Island Garden City of Samal, samtang ang complainant mao si alyas Ann, 33-anyos, residente sa nahisgutang lugar.

Matud pa samtang naligo si Ann niadtong tungora, wala niya damha nga kalit nanilip ug iyang naaktuhan ang suspect nga namaklad kaniya hinungdan nga nagpatabang gilayon kini sa kapolisan resulta sa pagka-aristo sa suspek.

Sa ekslusibong pakighinabi sa DXDC RMN Davao ngadto sa suspetsado, iyang gihimakak ang pasangil batok kaniya ug gisaysay nga gisugo lamang siya matud pa niadtong tungora nga ipabakbak ang ibabaw nga bahin sa kasilyas gani nakurat nalang si Dumanhug nga migawas si Ann ug gi-akusahan siya nga namaklad.

Ang suspetsado balhog na Sta. Ana PNP ug gikatakdang ipasaka karong adlawa ang kaso ngadto sa korte.

RadyoMaN Don Pulayao

Facebook Comments