General Santos City—Sikop sa operatiba sa Police Station 2 ang usa ka alias Normina (Gituyo ug tago ang pangalan), legal age, residenti sa dakbayan sa Gensan atol sa gihimong buy-bust operartion sa may balimbing Street, Barangay North, Gensan alas 9:00 ang takna sa gabie.
Matud sa tala sa Police Station 2, unang gihimo ang transaksyon tali sa nagpakarong-ingnong poseur buyer ug sa suspek sa AOR sa Makar apan wala mahinayon sanglit gihimo kini sa may Balimbing street.
Napalitan ang suspek ug usa ka sachet sa gituohang shabu gamit ang P500.00 nga marked money.
Gawas sa usa ka sachet sa shabu na ngapalit sa kapulisan, laing lima pa ka gituohang shabu ang nakumpiska sa posisyon sa suspek. Gikaingong dugay nang gipanid-an sa kapulisan ang lihok sa suspek ayha pa nila gihimo ang operasyon.
Kasong kalapasan sa RA 9165 ang takdang ipasang-at sa Police Station 2 batok sa suspek.
