General Santos City–Gibalhog sa silda sa Pendatun Police Station ang usa ka 22 anyos nga babaye nga naila sa pangalang Cellyn Sadang, usa ka service crew nga taga Rivera Street, Barangay Lagao ning syudad og temporaryong nagpoyo sa usa ka bording house sa Santol Street, Dadiangas North, Gensan human nga nadakpan sa buy bust operation sa kapulisan.
Nasayran nga alas 11:30 sa gabie gikasa ang buy-bust operation sa Station Drug Enforcement Team sa Police Station 1 ngadto na sa suspetsado sa gipuy-an niining boarding house sa naasoyng lugar.
Malamposong nasikop ang nasampit human napalitan ug duha ka sachet nga droga sa wala nagpaila nga posuer buyer nga sakop usab sa operative team.
Nakuha gikan sa dinakpan ang droga nga napalit ingon man ang buy bust money nga P500.00.
Samtang giandam sa kapolisan ang kasong pagsupak sa section 5, sa RA 9165 ngadto na sa suspetsado.(Reynald Timario)
