Babayeng wala gisipot sa kasabot nagpatabang

51

Davao City – Gi-endorso sa Tugbok PNP kining usa ka babaye nga si Merlyn Suarez, 20 anyos, residente sa Mati, mahitungod wala kini kapuy-an kun kadayonan sa dihang gipasaligan kuno siya sa iyang ig-agaw nga makigkita dinhi sa Davao aron manarbaho apan wala kini gisipot.

Sumala sa report nga nahipos sa Tugbok PNP nga ang maong babaye niabot sa Mintal kaniadto pang petsa 9 ning bulana aron manimpalad dinhi sa siyudad pinaagi sa kasabot nga gikaingon nga ig-agaw apan hangtod kuno karong mga panahona wala kini gisipot.

Niduol kini sa usa ka concerned citizen nga si Vanessa Villaren, 26 anyos, residente sa San Francisco, Tugbok Mintal, aron mangayo og tabang gumikan wala na kini kwarta ikapalit sa iyang pagkaon.

Sa kabalaka sa nahisgutang concerned citizen, iya kining gidala sa Tugbok PNP aron mahatagan og pagatagad.

Gipanawagan karon sa kapulisan nga kun kinsa ang nakaila kang Merlyn Suarez, iingon kaniya nga kwaon na ang maong babaye nga kasamtangang nagdayonan sa Brgy. Mintal Gym, Tugbok District ning siyudad sa Davao.

RadyoMaN Paul Canono

Facebook Comments