Dumaguete, Negros Oriental – Isa ka babayi ang nagpadulong sa Dumaguete City Police Station kahapon, February 1 agud akuon nga siya ang iloy sang 7-ka bulan nga lapsag nga babayi nga nasapwan patay matapos ginsulod sa isa ka bag kag ginhaboy sa suba.
Gin-ako sang amo nga 21-anyos nga babayi nga siya ang iloy sang amo nga lapsag nga iya ginsulod sa isa ka brown nga bag kag ginhaboy sa Banica River sang nagligad nga Sabado sang gab-i, January 30.
Suno sa isa ka barangay kagawad, hapon sadtong Domingo, January 31, nasapwan ang amo nga lapsag sa sulod sang isa ka bag nga gintaban sang ido kag nakita sang mga kabataan sa Purok Orchids, Brgy. Calindagan, ciudad sang Dumaguete.
Pahayag pa sang barangay official nga ang amo nga lapsag ang duha ka adlaw na nga patay antes ini nga nasapwan.
[image: image.png]
