Patay ang isa ka babayi matapos nga nahulog kag nalumos sa Bugalo Creek sa banwa sang Isabela, pasado ala-una kahapon sang hapon.
Ang biktima nakilala kay Maria Theresa Orias, residente sang Brgy. Camang-camang, Isabela.
Nahibalu-an nga si Orias ang nagpaninlo sang tamburong matapos nga madamo sang higko nga nag-supon rason nga nag-awas ang tubig, apang disgrasya naman ini nga nahulog.
Bangud nga mabaskug pa ang daludo sang tubig, na-anod naman ang biktima kag hapon na ini sang nasapwan nga wala na sang kabuhi.
Gina-dula naman sang Isabela PNP ang angulo nga may yara sang foul play bangud nga wala sang samad sang bangkay sang biktima.
[image: image.png]
Facebook Comments
