Babayi nga pusher kag anak, dakop sa joint buy-bust operation sang PDEA, police kag army

Bacolod City – Dakop ang babayi nga suspect lakip na ang anak sini nga isa man ka babayi kag pito pa ka mga lalaki, sa ginpatigayon nga joint operation sg Philippine Drug Enforcement Agency (PDEA) Negros Island Region ((NIR) Region 18 nga gin pangunahan ni Agent Jasm See kag mga katapo sng Charlie Company sg 62nd IB, nga ginpangunahan naman ni Sgt. Ramil Taganile, lakip na ang operatives sang Police Station 2 sang Bacolod City Police Office.

Pasado la una ang takna Sabado sang hapon, sang gin patigayon ang buy-bust operation sa puluy-an ni Delia, sa Prk. Sigay, Brgy. 2, ciudad sg Bacolod.

Ang mga suspect ang gin kilala nga sanday Delia Echraela, kag anak sini nga si Rose Mae Echraela subong man ang pito pa ka mga lalaki nga sanday Reynald Carpina, , Henry Colongan, Ronnie Naval, Antonio Hofilenia, Archie Era, Dennis Mercado kag Loven Lubrico.

Kalakip sa mga recoveries sang raiding team, amo ang mga masunod, (5) ka small sachet sang suspected shabu; (4) ka big sachet ukon bulto sang suspected shabu; marked mone kag iban pa nga mga drug paraphernalia.

Sa interview sang dyHB sa suspect, gin-ako sini nga masobra na gid man isa ka tuig ang pag baligya sini sg shabu, kag maka paubos sang 3 ka bulto ukon 15 gramos sang illegal nga droga sa kada adlaw.

Ang mga suspect ang padayon karon nga detained sa lockup cell sang Police Station 2, samtang kaso naman nga paglapas sg R.A 9165 ang igapasaka sg PDEA, batok sa ila. /dyHB-Bacolod


Facebook Comments