General Santos City—Patay ang usa ka back rider human nga natagak sa gisakyan niining motorsiklo sa may diversion road, sakop sa purok Intake, barangay Mabuhay, Gensan alas 5:00 ang takna sa hapon.
Giila ang biktima nga si Ariel Gabriel, 55 anyos, residenti sa Zone 9, Barangay Fatima, Gensan.
Sa inisyal nga imbistigasyon sa Traffic Management Unit (TMU) nasuta nga sakay ang biktima sa motorsiklo nga gimanihuan ni Jason Diaz, legal age, residenti sa Zone 9, Fatima ug pauli na unta sila sa ilang panimalay apan pag abot sa lugar, natagak ang biktima.
Nakaangkon kini ug daghang samad sa kalawasan ug sa iyang ulo. Gilayon kining gidala sa Mindanao Medical center apan gideklara kining dead on arrival.
Gikaingong pulos nakainum ang duruha dihang nahitabo ang insidenti. Sa kasamtangan ang patayng lawas sa biktima anaa na sa lokal nga punerarya sa syudad samtang an g driver nga si Diaz anaa sa kustudiya sa TMU.
