Backhoe operator nadat-ogan sa ekipo patay

71

Davao del Norte – Dead on the spot ang usa ka backhoe operator human kini nadat-ogan sa usa ka bahin sa ekipo pasado alas 8:00 kagahapon sa buntag (Mayo 4, 2021) sa Purok 4, Barangay Cambanogoy, Asuncion, Davao del Norte.

Sa interbyu sa DXDC RMN Davao kang PSSg Lorenzo Dicdican, duty investigator sa Asuncion Municipal Police Station (MPS), giila ang biktima nga si Rolando Dula, 34-anyos, residente sa Brgy. Bobongon, Sto.Tomas, Davao del Norte.

Saysay ni Dicdican, nag-repair ang biktima sa bucket sa backhoe o ang parte nga maoy ginagamit pagkalot sa ekipo, apan aksidente kining nahulog og naigo ang likod sa biktima nga miresulta sa kamatayon.


“Nag ayo to siya og mura og ilisanan gud sa backhoe. Nahulog, abi niya’g okay na. Iyaha man daw ‘tong gigunit-gunitan unya luag abi niya’g okay unya nahulog. Na-on the spot gyud siya. Naigo iyang ulo. Naigo ang iyang likod. Nigawas gyud ang iyang baga,” saysay sa traffic investigator.

Nasayrang gipanag-iyahan ang maong ekipo sa Alfrego Builders and Supplies nga naga-construct og proyekto sa lugar.

Padayon pang gina-imbestigahan ang panghitabo. Wala pay opisyal nga pamahayag ang kompaniya kabahin sa insidente.



RadyoMaN Kirby Manzon

Facebook Comments