GUIMARAS – Igadumili sang kapulisan ang pagdala sang backpacks kag luggage sa vicinity sang Manggahan Festival sa kapitolyo sang Guimaras. May kaangtanan ini sa Manggahan Festival nga magasugod na subong nga adlaw tubtob sa Mayo 22. Suno kay provincial tourism officer Ms. Liberty Ferrer, mangin hugot ang pagpangusisa nga himuon sang kapulisan. Gani agud indi na mahul-an, ginapanugyan ni Ferrer nga indi na magdala sang dalagko nga backpack ukon luggage. Samtang, nakahanda naman ang Philippine Coast guard- Iloilo Chapter agud maghatag giya kag seguridad sa mga turista nga magabisita padulong sa probinsya sang Guimaras.
Facebook Comments
