Backrider patay, sa duha ka motorsiklo nga nagka-bangga sa Tabina

27

Tabina, Zamboanga del Sur – Patay ang usa ka angkas sa single motorsiklo nga nalambigit sa panagbangga nga nahitabo didtung dapita sa Provincial Road sa Purok Lomboy, Brgy. Culabay, Tabina, Zamboanga del Sur alas 8 ang takna sa niaging gabii December 22, 2021.
Usa ka kolor itom nga single motorsiklo Euro 150, nga gimaniho sa usa ka 15-anyos, angkas ang duha ka wala nganli nga mga menorde idad.
Laing usa ka kolor pula nga Honda XRM 125 nga gimaniho ni Kelvin Sulit Magallanes, 18-anyos, ulitawo, mangingisda, mulupyo sa Purok Tulingan, Brgy. Baganian, sakop sa maong lungsod.
Base sa imbestigasyon, gadagan ang Euro 150 gikan sa Purok Kalubian, Brgy. Culabay, paingon sa sentro nga bahin sa maong lungsod, samtang ang Honda XRM 125 paingon sa Brgy. Baganian, Tabina, Zamboanga del Sur.
Pag-abot sa dapit hitaboan ang single motor nga XRM 125 nga gimaniho ni Magallanes nalahos kini sa linya sa motor nga gimaniho sa menorde idad nga meresulta sa panagbangga.
Agig-resulta, ang duha ka driver ug usa ka angkas ang nakahiagom og mga bun-og sa nagkalain-laing bahin sa kalawasan rason nga gidala ngadto sa Tabina Rural Health Unit alang sa dalian nga medekasyon.
Apan usa sa mga angkas ang nakab-san sa kinabuhi ug ang duha ka motorsiklo ang pulos gidala sa Tabina Municipal Police Station.

Facebook Comments