Backriding barrier angay tun-an

22

Davao City – Dili mamahimong komportable unya ang pagsakay sa managtiayon ug sa mga miyembro sa pamilya diha sa motorsiklo kung adunay barrier kon harang nga ibutang sa tunga-tunga nga bahin sa behikulo gumikan hasol ug peligroso kini alang sa driver ug sa backrider.

Pipila lamang kini sa nakita nga sami ni Rommel Bajador, Board of Trustee sa North and South Van Federation sa dakbayan sa Davao diin posibleng wala usab kini nadeparahan sa Inter-Agency Task Force on the Management of Emerging Infectious Diseases (IATF) sa dihang ilang gipanday ug girekomendar ang pagbutang sa naasoyng contraption versus COVID-19.


Girason ni Bajador nga kon adunay harang sa tunga sa motor, maghatag lamang kini og kabug-at sa lingkuranan nga mas kuyaw na hinoon dihang magpatubil sanglit ang tanke sa gasolina anaa man ilawom sa lingkuranan.

Apan kon mao gayod kana ang gusto sa IATF aron dunay physical distancing ug makalikay sa COVID-19 ang magtiayon, pangitaan na lamang og pamaagi kun medyos aron dili madisgrasya sa motor, matud ni Bajador.

Ug kon ang asawa dili sold-out sa pagbutang og harang sa motor, ang maayong himoon mao ang pagsuot og jacket, eye protector, mask, guwantes ug uban pang protective device aron walay tinakdanay nga mahitabo, dugang sugyot ni Bajador.

RadyoMan Joel Viray

Facebook Comments