Bacolod City Council kag Provincial Board nagpasar resolution sa kadalag-an sang DYHB bilang KBP Best AM Station 2018

BACOLOD CITY, NEGROS OCCIDENTAL – Unanimous nga gin-aprobahan sang Sangguniang Panlungsod sang Bacolod kag sang Sangguniang Panlalawigan sang Negros Occidental ang resolusyon nga nagahatag commendation sa DYHB RMN Bacolod sa kadalag-an sini nga naangkon bilang Best AM Radio Station, Provincial Category sa KBP Golden Dove Awards.

Ang resolusyon sa Sangguniang Panlalawigan gin-author ni Board Member Salvador “Bading” Escalante, Jr. paagi sa mass motion kag nag-agkon sang mass approval sa ila regular session sang Miyerkules.

Sa iya resolution, ginsiling ni Escalante nga dapat kilalahon ang nangin performance kag kadalag-an sang DYHB bangud naghalin sa Negros ang winner sang Best AM station sa bilog nga Pilipinas.


Sa amu nga tion suno kay Vice-Governor Eugenio Jose ‘Bong’ Lacson, perfect attendance ang bilog nga Provincial Board.

Samtang, gin-aprobahan man sang Sangguniang Panlungsod sang Bacolod City ang resolution nga nagahatag pagkilala sa DYHB RMN Bacolod.

Ang amo nga resolution ang gin-author ni Councilor Dindo Ramos kon diin iya ginsiling nga sa kadamuon sang istasyon sang radyo sa Pilipinas, bugalon ang Bacolod bangud diri naghalin ang Best AM Station.

Angut sini, nag-request naman si Councilor Cesar Distrito nga himuon unanimous ang resolution kag ginpaboran naman ini sang tanan nga mga konsehal.

Sa amu nga tion, perfect attendance man ang City Council sa diin si Councilor Ricardo ‘Cano’ Tan ang nagserbe presiding officer bangod out of the country si Mayor Evelio Leonardia kag Acting Mayor naman si Vice-Mayor El Cid Familiaran /dyHB BACOLOD

Facebook Comments