Bacolod maga-train sang 105 ka contact tracers kasunod sang mass testing

18

Nagpreparar na ang ciudad sang Bacolod sang 105 contact tracers kasunod sang ginpatigayon nga mass testing kadungan sang Timeout Weekend nagligad nga Agosto 27-29.

Ini ang ginkumpirmar sa DYHB ni Retired Major General Melquiades Feliciano, Deputy Chief Implementer sang National Inter-Agency Task Force (NIATF) nga yari karun sa Bacolod nga nagabulig na sa pagbalay sang mga tikang agud mapanubo ang kaso sang COVID-19.

Ginpahayag ni Feliciano nga base sa inisyal nga resulta sang ginpatigayon nga mass testing, yara sa 13% ang positivity rate kag makabig na ini nga alarming. Ang 105 contact tracers amo ang hanason para sa extensive contact tracing.

Suno kay Feliciano, importante nga mangin centralized ang Covid-19 response nga pangunahan sang Emergency Operations Center, kag isa sa dapat himuon sa Bacolod suno sa opisyal amo ang pagpansayog sang kapasidad sang mga laboratoryo agud madasig ang turn-around time sang test agud mangin madasig ang contact tracing.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments