Bacolod nagahulat sang direktiba sa probinsya para sa enhanced community quarantine

18

Magahulat na gid lamang ang ciudad sang Bacolod sa direktiba sang provincial government tuhoy sa pagpaidalom sang bug-os nga Negros Occidental sa Enhanced Community Quarantine (ECQ).

Sa interview sang DYHB kay City Legal Officer, Atty. Joselito Bayatan, ginkumpirmar sini ang pagtambong sa pagsinapol nga ginpatawag sang provincial government sa pagpanguna ni Gov. Eugenio Jose “Bong” Lacson upod man sang mga alkalde sang nagkalain-lain nga local government units.


Suno kay Atty. Bayatan, may yara pa sang tubtob sa Lunes ang ang mga alkalde agud magdesisyon sa ginaplano sang probinsiya nga Enhanced Community Quarantine.

Suno pa diri, ginhatagan gid pagtamod sa pagsinapol ang “uniformity of actions” sang mga alkalde kag ang pagpasiguro nga indi masablagan ang delivery kag suplay sang mga pagkaon.

Madamo sang dapat ikonsiderar sa pagpatuman sang ECQ suno kay Bayatan, ilabi na ang mga economic activities kaangay diri sa Bacolod nga madamo sang mga Business Process Outsourcing (BPO’s).

Sa nahibaluan nga ang Bacolod City ang yara na nga daan sa idalom sang general community quarantine.

[image: image.png]


Facebook Comments