BAG-O NGA ARSOBISPO | Archbishop Jose Romeo Lazo, pormal nga magapungko sa Abril 17

ILOILO City – Pormal na nga magapungko sa katungdanan bilang bag-o nga arsobispo sang Jaro si archbishop Jose Romeo Lazo sa palaabuton nga Abril 17.

Pagahiwaton ang installation mass alas 9 sa aga sa Jaro cathedral nga pangunahan ni outgoing Jaro Archbishop Angel Lagdameo.

Ginalauman nga magatambong sa aktibidad ang mga obispo sa bilog nga Pilipinas, mga kaparian sa archdiocese of Jaro kag mga kaparian sa diocese of Antique.


Imbitado man sa kahiwatan ang mga opisyales sang gobyerno nga sakop sang archdiocese of Jaro.

Si Archbishop Jose Romeo Lazo, ang ika-anum nga arsobispo nga maga-alagad sa archdiocese of Jaro.

Ginahingyo naman ni Fr. Angelo Colada, Director sang Archdiocesan Social Communications Commission ang publiko nga pangamuyu-an si archbishop elect Lazo sa pagpamuno sini sa archdiocese of Jaro kag si Archbishop LAgdameo para sa iya masunod nga misyon bilang bishop emeritus of Jaro.

Photo from web

Facebook Comments