BAG-O NGA DURUGISTA | Kapin 18k nga shabu narecover sa bag-o nga drug personality sa Handumanan

BACOLOD CITY – Ginabulubanta nga nagdangat sa kapin 18 mil pesos ang balor sang shabu nga nakuha halin sa isa ka suspek sa ginpatigayon nga buy bust operation, Biyernes sang gab-i sa Brgy. Handumanan, Bacolod City.

Nakilala ang suspek nga si John Carlo Fabruada, Alyas Kaloy, 21 anyos ang edad, pumuluyo sang Purok Datiles, Phase 4, Brgy. Handumanan, ciudad sang Bacolod.

Ang buy bust ginpatigayon sang mga katapo sang Drug Enforcement Unit sang Police Station 10 sa pagpanguna ni P/Cinsp. Charles Gever mga las 9:40 sang gab-i sa Purok Saturn, Brgy. Handumanan.


Nakuha sa possession sang susek ang 6 ka small heat sealed plastic sachet sang suspected shabu nga ginabulubanta nagabug-at sang isa ka gramo lakip na ang marked money.

Si Fabruada ang ginakabig sang pulis bilang newly identified nga Street Level Target kag ini siya ang detained na karon sa custodial facility sang Police Station 10./dyHB BACOLOD

Facebook Comments