Bag-ong batalyon sa Bukidnon nga ubos sa 4th ID Philippine Army, i-activate karong adlawa

I-activate karong adlawa sa 4th Infantry Division Philippine Army ang ilang bag-ong batalyon nga nahimutang sa Maramag, Bukidnon.

Gibutyag ni 4th ID Spokesperson Capt. Joe Patrick Martinez nga ang maong batalyon nga adunay 500 ka mga sundalo ang gitawag og 88th Infantry Battalion nga ubos sa 4th Infantry Division.

Dugang pa sa maong opisyal nga ang nasangpit nga batalyon maoy motabang sa pagpakiggubat batok sa mga rebeldeng grupo sa maong lugar.

Nasayran nga ang mga sundalong ubos sa bag-ong batalyon ang gikan sa nagkalain laing batalyon sa 4th ID ug gilangkoban usab sa mga bag-ong migradwar sa training nga gikan pa sa Bicol, Cebu ug Samar.

By: RadyoMaN Ellah Baculio