Usa ka bag-ong naila nga drug personality sa San Francisco, Agusan del Sur ang nadakpan sa kapulisan tungod sa paghupot ug shabu lakip ang ihalas nga armas. Alas 10:30 sa gabie, gisulod sa San Franz PNP sa pagpanguna ni PSupt. Bonifacio Estrella, ang hepe sa kapulisan, ang panimalay sa suspek nga si “alias Tulingig”, ulitawo, ug residenti sa P-3, brgy. Ebro, San Francisco, Agusan del Sur pinasikad sa gahum sa search warrant nga gipagawas ni Executive Judge Kimal Salacop. Nakuha sulod sa panimalay sa suspek ang usa ka kalibre .38 revolver uban ang upat ka mga buhing bala, 4 ka sachet sa drogang shabu nga mitimbang ug 2 grams ug salapi nga niabot sa 23,600 pesos, lakip ang mag drug pharaphernalia. Ang dinakpan gikustodiya na sa San Francisco Municipal Police Station alang sa tukmang disposasyon ug gipasaka na ang kaso batok kaniya.
Sent from my Samsung Galaxy smartphone.
