BAG-ONG ISOLATION FACILITY SA LANAO DEL NORTE, GIBUKSAN KAGAHAPON

24

(photo credits to PIO-LDN)

Gibuksan kagahapon ang laing isolation facility sa Lanao del Norte nga nahimutang sulod sa Kolambugan Provincial Hospital sa lungsod sa Kolambugan, Lanao del Norte.  

Aduna kini 23 ka bed capacity ug kumpleto sa mga pasilidad nga makahatag og kumportable nga pagpuyo sa mga mama-uling locally-stranded individual (LSI) ug mga repatriated overseas Filipinos (ROFs).  

Matud pa ni Gov. Imelda Dimaporo, gi-establisar ang maong pasilidad isip tubag sa padayong pagdaghan sa mga LSI ug ROF kinsa gi-suspetsahang nataptan sa coronavirus.  

As of September 21, ang Lanao del Norte nakatala og 432 ka mga kumpirmadong kaso sa COVID-19 gikan sa pagsugod sa pandemya: 107 niini gideklarang local transmission ug tulo ang namatay.  

Sa maong gidaghanon, 92 nalang ang aktibong kaso o nagpadayon sa pagpa-ayo o kaha nagpadayon sa ilang 14-day nga quarantine period. 

Facebook Comments