Baguio PNP: Walay pagpabuto’g pusil atol sa raid sa sabong

59

Davao City – Gibarogan sa Baguio PNP nga walay nahitabong pagpabuto og pusil atol sa gihimong raid sa sabong sa Purok 6, Barangay Gumalang, Baguio District, Davao City niadtong adlawng Domingo (Pebrero 14, 2021).

Kini human nga nabasol ang raiding team sa pagkamatay sa tulo ka indibidwal human kini nangambak sa sapa duol sa area nga miresulta sa ilang pagkalumos.


Sa interbyu sa DXDC RMN Davao kang Police Major Archilles Bargio, hepe sa Baguio PNP, gitataw niini nga nagasunod og protocol ang mga pulis matag operasyon diin ang singgit sa usa ka babae ang hinungdan sa pag-panic ug pangambak sa pipila ka tawo nga miresulta sa disgrasya.

“Naay police operational procedure nga dili gyud magpabuto. Bawal man gyud magpabuto ana. So, gina-observe namo na. Pero ang cause gyud didto nga nagkaroon gyud og panic is kadtong syagit gyud sa babae. Nisyagit siya nga ‘kabaw, kabaw!’ In which ang term niya ato, meaning, gi-validate namo’g maayo iyang term, nga naay pulis nga niabot,” tataw ni Bargio.

Gisaysay ni Bargio nga dugay na nga ginareklamo ang maong iligal nga aktibidad sa lugar nga ginahimo matag weekend rason nga gikasa ang lehitimong operasyon tungod sa pormal nga reklamo.

Gikasubo sa hepe ang pagkamatay tulo ka sabongero diin nagpaabot na kini og pahasubo sa pamilya ug kabanay sa mga biktima.




Abri usab ang Baguio PNP sa himuong imbestigasyon sa insidente ug andam silang muatubang sa resulta niini.

RadyoMaN Kirby Manzon

Facebook Comments