Bagyong Basyang padayon nga nakaapekto sa atong probinsya sa Zamboanga del norte samtang ge suspenso usab ang klase sa atong dakbayan.

Padayon pa gihapon karon ang pagpahinumdom sa PAGASA may kalabot kini ni bagyong basyang sa mga posibleng pagbaha ug pagdahili sa yuta sa mga apektadong lugar.

Karong adlawa posible ang pag agi ni bagyong basyang dinhi sa atong probinsya ug mag depende na unya kini kun dili mausab ang direksyon niini.

Ugmang adlawa lauman nga mas distansya na ang mata ni bagyong basyang dinhi sa atong probinsya tungod kay anaa kini sa gilay-ong 155km west sa Dumaguete city, Negros Oriental apan makasinati gihapon kita sa pag-ulan dala ang hangin.


Si bagyong basyang adunay gikusgon nga 65kph ug adunay gikusgon nga unos sa 80kph.

Samtang dinhi sa atong dakbayan sa Dipolog kagabie mga 6:25 kapin kun kulang gikuso-kuso pag ayo sa makusog nga ulan dala ang makusog nga hangin.

Hangtod kagahinang kadlawon ang pag ulan nga atong nasinati hinay ngadto na sa kusog ang pag-ulan dinhi sa atong dakbayan, gani matag karon ug unya mo busdak pa gihapon ang ulan.

Sa gipagawas nga pahinumdom sa PASAGA naka yellow Warning Level ang Zamboanga Del norte, Zamboanga del sur, Bukidnon, Misamis Oriental, Camiguin, ug Sulu.

ang taga city disaster risk reduction and management council dinhi sa atong probinsya 24 oras ang ilang pagbantay sa mga kasubaan sa posible na usab nga pagtaas sa tubig.

Samtang sa laing bahin si Mayor Darel Dexter Uy mi suspenso sa klase gikan sa kindergarten hangtod sa Senior High school dinhi sa tibuok dakbayan sa Dipolog City karong adlawa.

Facebook Comments