Nakagawas na ang binilanggo nga senador
Motion nga makapyansa ang korte nipabor
Una hingpit buhi-i gi-check-up una sa doktor
Gisunod sa PNP ang mando ug ang procedure.
Senador Jinggoy labihan gyud niyang lipaya
Hapit mag-upat ka tuig sa PNP siya gikustudiya
Nangawkaw sa pork barrel ang pundo gibulsa
Sandiganbayan miingon nga kulang sa ebidensya.
Supporter ni Senador Jinggoy sa kalipay nakalukso
Hingpit na nga gawasnon ug dili na karon detinado
Apan nagpabilin pa gihapon nga akusado sa kaso
Dinhi makita ang kamaayong laki sa iyang abogado.
Nagsumikad ang tanan sa isyu sa pagpangawkaw
Iyang pondo sa pork barrel kalit lang nahanaw
Apan ang kaso matud sa sandigangbayan labnaw
Nag-akusar sa senador karon hilabihang tyabaw.
Ingun ni Senador Jinggoy sa kaso siya ray gidut-an
Wala gyuy nataral nga kaalyado sa mga yellowhan
Gipili lang kuno ang gikasohan sa sandiganbayan
Dili kuno lalim ang iyang kasinati-an sa bilanggoan.
Kasamang Erin Lumosbog
