Nalanag
Gibatig kulba ug nakuratan ang mga ginikanan
Estudyante sa Mintal mitugpa sa tambalanan
Suka ug kalibang ingun man sa ulo gisakitan
Naka-kaon ug kwek kwek sa ilang eskuylahan.
Kwek-kwek gipalit sa mga estudyante sa kantina
Human ug kaon nagkalibanga ingun man suka
Sunod sunod sa ospital gipangdala mga biktima
Ginikanan sa hitabo nibati ug tumang kabalaka.
Salamat kay mga biktima luwas na sa peligro
Apan school administration wa gyuy komento
Unsa kahay dili nila gusto masayran sa publiko?
Mahitungod sa mga menor de edad nga nahilo.
City Health Office mihimo na ug imbestigasyon
Ambot ang eskuylahan unsa kaha ang girason?
Isyu sa pagkalanag angay gayud nga atimanon
Aron kampanti ang ginikanan ug di makunsimisyon.
RadyoMan Erin Lumosbog
Facebook Comments
