Pagadian City, Zamboanga del Sur – Gikalipay sa kadumalahan sa Department of Social Welfare and Development kun DSWD -9 ang pagperma ni Pamuno Nasod Rodrigo Duterte sa Akta Republika 11310 nga nagmando nga himoon nang permanente ang Pantawid Pamilyang Pilipino Program (4Ps).
Sa eksklusibo nga interview sa RMN Pagadian kang Flordeliza Atuy, ang Pantawid Pamilya Regional Program Coordinator dakong pabor sa mga kabos ang maong balaod aron mahatagan og pinansyal nga tabang pamilya nga nagkinahanglan og ayuda sa gobyerno. Gidugang ni Atuy posibleng dunay mausab sa kasamtangan nga kondisyon sa mga benepisyaryo kun mahan-ay na ang Implementing Rules and Regulation.
Aminado si Atuy nga daghan pang kabus sa rehiyon 9 nga angay makabenepisyo sa programa apan wala makapahimulos ug dili myembro sa 4Ps.
Subling gipasabot sa DSWD-9 nga ang 4ps program dili maoy solusyon sa kalisud kundili pantapak lamang sa kapobrehon ug pag-abag sa ginikanan alang sa pagpa-edukar sa ilang mga anak.
