BALASAHAN | Liderato sang Kamara, liwat nga nagpatigayon sang rigodon!

38

Roxas City, Capiz- Nagpatigayon liwat sang rigodon sa liderato sang Kamara.
Ginkakas na bilang mga Deputy Speakers sanday Batangas Representative Raneo Abu, Capiz Representative Fredenil Castro kag Laguna Representative Dan Fernandez nga lunsay mga kilala nga kaalyado ni former House Speaker Alan Peter Cayetano.
Gintal-usan naman ang mga ini nanday Cagayan de Oro Representative Rufus Rodriquez, Las Piñas Representative Camille Villar kag Buhay Representative Lito Atienza bilang bag-o nga Deputy Speaker nga kaalyado naman sang subong nga si House Speaker Lord Allan Jay Velasco.
Ginpahamtang naman bilang Chairman sang House Committee on Energy si Pampanga Representative Mikee Arroyo nga kabaylo naman ni Speaker Velasco.
Ginsipa naman bilang pinuno sang House Contingent sa House of Representatives Electoral Tribunal (HRET) si Kabayan Representative Ron Salo sa diin siya ang ginbaylohan ni Caloocan Representative Dale Malapitan.
Si ACT-CIS Representative Eric Yap nga subong Chairman sang House Committee on Appropriations ang ginpahamtang bilang Vice Chairman sang House Committee on Accounts.

Facebook Comments