Balay gisulod sa kawatan

Usa ka pagpangawat ang nahitabo sa panimalay ni Edna Arangcon Chua nga naa nahimutang sa Quezon Ave., Brgy. Pob. Lungsod sa Siocon niadtong nakalabayng adlaw.

Sa tala sa kapulisan matod pa mga 7:25PM, nakita ni Jik-jik Ramirez nga adunay nag iwag ug suga sulod sa maong panimalay, hinungdan nga dali kining mitaho ngadto sa mga kaliwat sa tag-iya sa balay tungod kay dugay na kining gibiyaan ug wala na’y tawo nga nagpuyo niadtong higayuna.

Sa ilang pakigsusi, didto ilang nakita nga pugsanon kining gisulod sa wala mailang kawatan, ug migawas kini agi sa bintana human giguba.


Natangag ang mga mahinungdanon butang lakip na usab ang mga baligya tungod kay ang atubangan niini usa man ka tindahan, ang kawatan wala masayri kung asa kini mipalayo.

Dugang pa sa imbistigasyon nga moabot na sa tulo ka bulan nga wala ang tag-iya sa maong panimalay tungod kay atua kini sa dakbayan sa Zamboanga, hinungdan nga wala na’y nagpuyo.

Facebook Comments