Dipolog City – NASUNOG ang usa ka balay nga gipana-iya ni Dra. Nancy O. Celusia sa may Romeros Drive, Barangay Turno, ning dakabyan sa Dipolog bandang alas 12:35 sa kadlawon.
Sa initial nga imbestigasyon sa Dipolog City Fire Department, ang kalayo nagsugod sulod sa dirty kitchen ni Dra. ug nikatap sa ubang parte sa balay nga gama sa concrete og light materials.
Nasayran sa rmn news team nga si Dra. og iyang anak nga lalaki, maoy tawo adtong higayuna og ang mga silingan na maoy nakabantay sa kalayo sulod sa balay.
Usa ka alias Gonggong nga nagboarding sa dapit mao nay nisaka sa koral aron pamukawon ang tagbalay og didto na sila nakagawas.
Ang sunog giisa ngadto sa second alarm diin tulo ka mga fire truck sa BFP Dipolog ang ningresponde, mga alas 1:34 sa kadlawon ilang gideklarar nga fire out.
Sa kasamtangan padayon pa ang gihimong imbistigasyon sa taga BFP Dipolog kon usa’y hinongdan sa pag-ulbo sa kalayo og pila sab ang gibiling danyos niini.
Wala ray nakalas nga kinabuhi atol sa sunog samtang nagarasan ang tuhod sa batan-ong lalaki diin nasabod sa koral dihang siya namokaw.
