Davao City – Problema sa mga residente sa Suha Village, km. 10, Sasa, syudad sa Davao, ang grupo sa mga batan-on nga magriot panahon sa kagabhion ug kadlawon.
Usa sa mga residente nga si alyas Jong, usa ka engineer, 28 anyos, ang wala makaagwanta ug migawas aron badlungon ang mga batan-on nga nagriot sa ilang lugar pasado ala 1:00 sa kadlawon.
Matud ni Lanutan, nagnilabayay og mga bato ug botelya ang magkalaban nga gang ug dihang iyang gisita siya naman hinoon ang giatubang ug gibono hinungdan dali kining misulod og balik sa iyang balay.
Gihasi ug gibato sa mga batan-on ang iyang balay resulta sa pagkabu-ak sa pipila ka mga bildo sa iyang bintana.
Gilayon nangayo og police assistance ang maong engineer apan pag-abot sa mobile patrol sa Sasa Police Station walay ni usa ang nadakpan tungod sa paspas nga pag-iktad sa mga suspek.
Pahimangno na lamang sa mga otoridad nga magtaho dayon sila kung makakita sila og panagtapok sa mga batan-on aron masanta dayon ang ilang plano nga pagriot.
RadyoMaN Joel Viray
