BALAY SA RETIRADONG JUDGE NAUGDAW APAN LUWAS TANAN ANG NAGPUYO

[image: 41803410_724470144552143_7964941061439094784_n.jpg]
Nasunog ang panimalay ni Retired Judge Andres Lorenzo sa may Block 4 Dadiangas Heights Subdivision Barangay City Heights.

Sumala ni Atty. Carmen Lorenzo ang asawa sa retiradong huwes nga luwas sila sa iyang bana og katabang human nga daling nanggawas sa ilang panimalay.

Nakamatikod matod pa sila nga nag-aso og nasunog na ang kwarto nga anaa sa ikaduhang andana sa ilang panimalay.


Nangayo og tabang ngadto sa kabumberohan si Atty. Lorenzo og nakaresponde usab dayon apan naugdaw na ang sulod sa maong panimalay sa magtiayong abogado.

Matod kay SFO2 Allan Rey Imperio nga niabot og 300 mil pesos ang inisyal nga damyos sa maong sunog kung asa ang sulod matod pa sa maong balay gama sa light materials apan ang pader gama sa semento.

Hinuon magpadayon sa pagpahigayon og imbestigasyon ang BFP Gensan aron masayran ang hinungdan sa pagkasunog sa panimalay.

Niabot sad og unang alarma ang nahisgutang sunog nga ilang narespondehan.

Facebook Comments