Balay sang masobra 200 ka mga pamilya sa apat ka mga barangay sang Tupi, South Cotabato naguba tungod sa mabaskog nga hangin.

11

Naglab-ot sa masobra duha ka gatos nga mga pamilya sa apat ka mga barangay sang banwa sang Tupi nga amo ang Kablon, Acmonan, Linan kag Simbo ang apektado sang mabaskog nga hangin sang nagligad nga semana, matapos nga naguba ang ila nga balay.
Suno kay MDRRM Action Officer Emil Sumagaysay base sa inisyal nga datos yara sa 94 ka mga balay ang partially damaged kag 4 ang totally damaged sa Brgy. Kablon, sa Acmonan 32 ang partially damaged kag 5 ang totally damaged, samtang 27 naman ang partially damaged sa Brgy. Linan kag subong man Simbo.
Kadam-an naman suno pa sa mga naguba nga mga balay ang himo sa light materials.
Ginkumpirmar man ni Sumagaysay nga may mga pananom man nga apektado sang mabaskog nga hangin.
Magahatag naman suno kay Sir Sumagaysay ang local government unit sang financial assistance sa mga apektado nga pamilya sang mabaskog nga hangin.



Facebook Comments