TALISAY CITY, NEGROS OCCIDENTAL – Balay sang isa ka anchorman ginaalegar gin-strafing may mga las 10:45 kagab-i sa Block 10, Carmela Valley Homes Subdivision, Brgy. Zone 12-A, Talisay City.
Ginpahayag nga ang insidente natabo sa balay ni Reynaldo “Rey” Siason, anchorman sang FM station nga 104.7 News nga nakabase sa Talisay City.
Sa pagpangusisa sang Talisay City Police Station, na recover sa scene of the crime ang isa ka empty shell sang calibre .45 nga armas kag pito ka mga bullet fragments.
Ang amo nga strafing incident gina-usisa na karon sang Talisay City PNP matapos ginmando na ini Negros Occidental Provincial Director Rodolfo Castil.
Ang local chapter sang National Union of Journalist of the Philippines (NUJP) lakip man ang Negros Press Club (NPC) ang nagkondenar sa hitabo kag nagapanawagan nga usisaon sang tul-id para matumod ang mga may kahimuan sang kremin. /Rey Siason photos
