Baldovino bag-o nga NBI agent-in-charge sa Negros Occ.

Bacolod City – Tutok naman sang bag-o nga Agent-In-Charge sang National Bureau of Investigation, Renoir Baldovino amu ang anti-graft and corruption cases sa Negros Occidental.

Si  Baldovino, nga isa man ka abogado kag Certified Public Accountant, ang gikan sa NBI Tarlac district office sa Region 3 bilang executive officer. Siya nagserbe sa ahensya sa sulod na sang 26 anyos. Ginbuslan sini si Renato Garbo.

Luyag man ni Baldovino nga kay-uhon ang  NBI Bacolod Office sa diin may ara na ini sang budget gikan sa Department of Public Works and Highways para sa iya natalana nga complete renovation.

Bastante man ang iya mga personnel para matigayon ang iya mga frontline services kag investigative service.

Isa sa mga gusto ni Baldovino nga may ara man man sang medico legal officer ang NBI sa probinsya ukon sa Negros Island Region sa ulihi kon may ara na ini sila sang Regional Director.

Nakacourtesy call na siya kay Mayor Evelio Leonardia sang Bacolod lakip man kay Governor Alfredo Marañon, Jr. sang Negros Occidental. / DYHB-Bacolod

 

 

Facebook Comments