Ban sa pagkuha sa isdang tuloy hugtanong gipatuman dinhi sa Dipolog

35

Dipolog City – Hugtanon karong naga-awhag si City Agriculturist, Engr. Kerr Porlas ngadto sa atong mga mananagat dinhi sa dakbayan alang sa hugot nga pagsanong ngadto sa pagdili pagpanguha sa mga isdang “Tuloy ug Malangsi” dinhi sa atong kadagatan.

Kining maong pag-awhag ang gihimo ni Porlas isip pagsanong ngadto sa JOINT DA-DILG ADMINISTRATIVE ORDER NO 1, series of 2011, nga nag-ulohan ug “ESTABLISHING A CLOSED SEASON FOR THE CONSERVATION OF SARDINES IN EAST SULU SEA, BASILAN STRAIT AND SIBUGUEY BAY”, diin nagamando alang sa hugot nga “Fish Ban” alang sa mga isdang tuloy ug malangsi gikan Disyembre 1 ning tuiga ngadto na sa Marso 1, 2018.

Dugang pang gipasabot nga ilawom sa seksiyon 2 ning maong balaodnon, hugtanong gidili ngadto kang bisan kinsa, kahugpungan, o korporasyon sa pagpatay, pagdakop, o pagkuha sa mga isdang tuloy ug malangsi partikular na ang lupoy niini.

Sumala pa nga kining maong hugtanong pagdili ang gi-deklarar sa nahisgotang mga ahensiya sa unahan aron kahatagan sa igong panahon nga kini makasanay, gumikan kay ang mga bulan nga nahasulod sa ban period mao man usab ang panahon sa ting-pamihod sa mga tuloy ug malangsi.

Dugang pang gipaklaro ni Porlas nga hugtanon gayud nilang bantayan ug pag-monitor kining maong pagpatuman implementasyon, aron sa pagdakop sa mga posibleng makalapas unya niini uban sa pagsakmit sa ilang mga gibaligyang tuloy ug malangsi dinha sa atong mga kamerkadohan o sa fishport, uban usab sa pagpahamtang sa tukmang silot alang sa mga nakalapas sigun sa gimando ning maong balaodnon.

Kadtong mga mananagat nga aksidenteng makakuha sa mga tuloy o malangsi uban sa ubang isda, nga ila nalang kining paga-konsumohon, ug dili na ibaligya pa ngadto sa publiko, aron dili sila masilotan nga nakalapas.

Facebook Comments