Bana ginreklamo ang misis ginwithdraw ang P600k nga wala sya kahibalo; plazaguard ginpablotter si misis matapos nahuy-an sang ginbuyayaw sa publiko

BACOLOD CITY – Duha ka mga bana ang nagpa blotter sang ila tagsa ka mga asawa sa duha ka separado nga insidente diri sa ciudad sang Bacolod.

Una nga complainant amo ang isa ka 50-anyos nga bana nga taga ciudad sang Bacolod nga nagpadulong sa Police Station 1 agud ireklamo ang iya asawa nga nagwithdraw sang ila kwarta nga wala niya sang pahanugot.

Suno sa tagreklamo nga sadtong Lunes, July 9 may mga la una sang hapon nadiskubrehan na gid lamang niya nga wala na sang unod ang ila savings sa bangko nga nagdangat sa kapin P600,000 pesos.


Nagapati ang biktima nga ini ang ginwithdraw sang iya asawa pinaagi sa pag-gamit sang ATM sa isa ka daku nga mall malapit sa downtown area sang Bacolod.

Sa pihak nga bahin, nagpadulong man sa amo nga istasyon ang isa ka security guard agud ireklamo ang iya asawa nga suno sa iya ginpakahuy-an siya pinaagi sa pagtampa sa iya.

Suno sa amo nga gwardiya nga may mga las 2 kahapon sang hapon samtang nga ini siya ang naga duty, ginkadtuan ini sang iya asawa kag may natabo nga paglinalisay.

Pahayag pa sang sekyo nga nakibot na lamang siya sang hinali ini nga gintampa sang iya asawa sa atubang ang madamo nga tawo gani nahuy-an gid ini./Photo by Iconfinder

Facebook Comments