Bana, gitabangan og bunal sa kahoy sa iyang asawa ug bayaw

106

Patay ang usa ka bana human gitabangan og bunal og kahoy sa iyang asawa ug bayaw sa Purok 8, Sityo Bagaay, Barangay Baliwagan, Balingasag Misamis Oriental.

 

Biktima nailang si Santiago Palapar Rapinian, 56 anyos, minyo residente sa maong dapit.

 

Matud ni Police Captain Ismael Vergel Gundaya ang Acting Chief of Police sa Balingasag Municipal Police Station nga nahitabo ang insidente kagahapong adlawa, alas dose sa udto.

 

Nasayran nga nag-inum ang biktima ug ang bayaw niini nga si Edgardo Mabanta De Asis, 40 anyos, dihang miduol ang asawa ug nagyawyaw hinungdan nga nasilo ang biktima.

 

Kini ang hinungdan nga paglakaw sa asawa, gigukod kini sa bana apan nakakita kini og kahoy nga binugha ug gibunal sa bana.

 

Pag-abot sa bayaw nga si De Asis, gipasa sa asawa ang kahoy nga gibunal niya sa iyang bana ug kini ang gigamit ni De Asis sa pagbunal usab ngadto kang Rapinian.

 

Naangkon sa biktima ang nagkadaiyang bun-og sa lawas nga maoy hinungdan sa iyang kamatayon.

Facebook Comments