Bana sa ginang nga naghikog-nagtuong balatian ang hinungdan sa pagpakamatay sa iyang misis

General Santos City–Gikumperma ni Ernesto Villanueva, bana ni Ester Villanueva nga taga Purok 2, Barangay Palkan, Polomolok kansa una nang naghikog pinaagi sa pagbitay sa iyang kaugalingon nga duna gyoy gihambin nga balatian ang iyang asawa.
Sumala niini nga upat na ka bulan nga nakasinati ug sakit sa kuto-kuto ug tiyan ang nasangpit nga biktima.

Una na nila kining gipaadmitar sa ospital naidtong nakalabayng bulan apan walay alibyo luyo paman sa mga tambal nga gina-inum sa nahisgutan.

Dugang pagbutyag ni Ernesto nga human nakasinati ug balatian ang iyang asawa, nahimo na kining sensitibo. Dili na sila pataparon niini ug katulog tungod nahadlok matud pa ang bitkima nga sila matakdan sa iyang balatian.


Nakurat nalang si Ernesto dihang alas 5:35 ang takna sa kabuntagon sa nakalabayng adlaw, nakit-an nalang niini nga nagbitay na ang iyang asawa ug wala nay kinabuhi.

Alas 11:00 sa gabie niadtong sabado ayha naghikog ang ginang, uwahing nakit-an ni Ernesto ang iyang asawa nga natulog sulod sa lawak niini. Wala matud pa syay nakit-ang timailhan nga kini maghikog.

Facebook Comments