Banana plantation sa Mabini, Davao de Oro gipabuthan og granada

Davao City – Walay natalang injured sa nahitabong grenade explosion sa Purok 18, Barangay Tagnanan, Mabini Davao de Oro alas 9:00 sa buntag kagahapong adlawa (Agosto 24, 2022).

Sa interbyu sa DXDC RMN Davao kang Police Staff Sergeant Benjie Cuanan, investigator sa Mabini Municipal Police Station, gibutyag niini nga adunay land dispute ang duha ka kooperatiba sa sagingan nga mao ang TCBC ug SATAGBAGCO.

Saysay ni Cuanan nga iligal matud pa nga nag-harvest og saging ang pikas grupo sa TCBC Banana Plantation rason nga gilayon kining girespondehan sa security guards ug didto na gilabayan og granada ang lugar diin maayo nalang kay natunong kini sa kanal rason nga walay natalang angol.

“Allegedly, nag-harvest ‘tong alleged nga pikas nga grupo. Mao ‘tong nasuko ‘tong grupo sa TCBC nga silay nagdumala sa kooperatiba. Pag-abot nila didto, didto na naay tension. Didto na naay nibuto nga alleged hand grenade,” saysay sa imbestigador.

Sa pagkakaron, padayon pang giimbestigahan ang insidente ug giandam na ang kasong ipasaka sa mga tulo ka identified suspects nga responsable sa pagpabusikad.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments