Davao City- Kasong frustrated murder ug multiple murder, ang gipasaka batok sa suspect nga si Luciano Ribalde nga mipusil sa iyang asawa nga miresulta sa kamatayon.
Segun ni Police Major Noel Villahermosa Bunawan Police Station Chief of Police, nadakpan si Ribalde Brgy. Maduao sa Panabo City niadtong Lunes (August 31, 2020) sa gihimong hot pursuit operation ug detinado na karon sa Bunawan Police Station.
Sa inbestigasyon sa kapolisan sa Bunawan, nag-inom ang asawa sa suspect nga si Melodina Lanada sa panimalay ni Elvin Bacalso kauban nila Julito Bacalso, Jean Ribalde sa dihang kalit miabot ang suspect ug gilayong namusil.
Patay sa insidente ang asawa ug si Julito Bacalso, samtang nasamdan samaran sila Jean Ribalde ug Elvin Bacalso nga padayong gitambalan sa Tibungco Hospital, syudad sa Davao.
RadyoMaN Don Pulayao
