Bangga tali truck vs tanker

37

Davao City – Pwerteng gubaa sa atubangan sa usa ka forward truck human mibangga sa likod nga bahin sa water tanker samtang naghunong sa traffic light sa Diversion Road C.P. Garcia Highway pasado alas 3:00 ganihang kadlawon.

Tungod sa impact, halos nag-abot na ang manobela ug ang driver’s sit hinungdan sa pagka-ipit sa mga tiil sa driver nga si Isidro Galaseo, taga-Cateel Davao Oriental.

Daling gidapatan og first aid sa central 911 medic team ang driver ayha hingpit gihatud sa southern Philippines Medical Center (SPMC).

Sa imbestigasyon sa Buhangin PNP Traffic Section, gikan sa Cateel Davao Oriental ang forward truck ug mupaingon unta sa Bansalan Davao del Sur aron i-deliver ang kapin 200 ka sako sa bugas ug samtang gikan sa Tagum City ang water tanker ug muapingon unta sa Dumoy Toril aron magrefill og tubig.

Suma ni Joebert Tangcahas, driver sa water tanker nga nag-overtake kini sa forward truck sa may Davao International Airport apan pag-abot sa traffic light kalit na mibangga ang forward truck.

Sumala ni PO3 Bacquial nga nawad-an og break kun preno ang forward mao nga na makontrolar sa driver ang manobela resulta sa bangga.

Gumikan usab sa kakusog sa impact, natanggal ang pultahan ug nabuak ang salamin sa atubangan ug guba ang nawong sa truck.

Reckless imprudence resulting to damage of properties ang isang-at nga kaso batok kang Galaseo samtang gikustodiya na usab ang truck sa kapulisan.

RadyoMaN Joel Viray

Facebook Comments