General Santos City–Misaka na ngadto sa 10 ang patay sa nahitabong banggaanay sa Van ug Jeep sa National Highway nga sakop sa Barangay Batomelong, Gensan alas 4:00 ang takna sa hapon, kagahapong adlawa.
Lima ka mga biktima ang nadala sa Dr. Jorge Royeca Hospital kansa gideklarang dead on arrival. Samtang tulo ang nadala sa Socksargen Hospital nga gideklara usab nga dead on arrival ug tulo sa St. Elizabeth Hospital.
Walo ang patay nga sakay sa Van apil na niini ang duha ka dagmayng bata, samtang duha ang patay nga sakay sa jeep.
Sumala ni Dexter Villarin, driver sa jeep nga hilabihan ka paspas sa insidenti. Nasayran nga gikan sila sa Sta Cruz Davao del Sur ug mahidangat unta dinhi sa Gensan kay adunay kuhaon nga pasahero aron nga motambong sa kasal sa ilang lugar apan walay swerti nga nahitabo ang maduguong insidenti.
Dugang pagbutyag ni Dexter nga kusog ang dagan sa Van kansa kalit matud pang mibangga kanila ug gumikan sa kakusog sa impact, ubay-ubay gyud ang nakabsan ug kinabuhi.
