Bangkay sang isa ka lalaki nga ginputos sang packing tape ang ulo ang natigayon nga masapwan may mga las 8:35 sini nga aga sa sulod sang kampo sa Had. Kho, Brgy. Pandanon, banwa sang Murcia.
Ginpahayag nga ang amo nga bangkay ang nagasuksok sang polo shirt nga may stripes nga puti kag itom kag naga-shorts sang maong.
Suno sa Murcia Municipal Police Station ang bangkay sang biktima ang nasapwan sang mga motorista nga taga-Salvador Benedicto, sakay sang traysikol sa diin ini sila ang nag-pundo sa higad sang kampo agud kuntani nga magpangihi sang ila nakita ang bangkay.
Pahayag sang pulis nga wala labot sa ulo sang biktima, ginputos man sang packing tape ang iya duha ka kamot nga ginbaklid kag ginsipit sa iya hawak lakip na ang iya duha ka tiil.
Sa karon padayon ang imbestigasyon sang Murcia PNP sa identity sang biktima kag sang suspek kag kon ano ang motibo sa pagpatay sa iya.
[image: image.png]
