Nakit-an ang isa ka bangkay nga naga utaw-utaw sa baybayon sang reclaimation area sa banwa sang Pontevedra las 9 sang aga, Oktobre 5, 2020.
Base sa report sang Pontevedra Police Station ang bangkay ginkilala mismo sang iya amay nga si John Rey Cornelio 28 anyos, soltero kag pumuluyo sang Zone 5, Brgy. Tabao, Valladolid.
Las 9 ang takna sang aga sang nakit an ni Jiji Donasco, 28 anyos samtang nagasakay sya sa iya baruto nga nagalutaw sa dagat ang bangkay ni Cornelio gani gilayon nya ini nga ginpahibalo sa mga kapulisan.
Gilayon naman nga nagresponder sanday PSSg. Ronie Casugod, PSSg. Cary Guevarra kag PCPL Marlou Pajayupan, kag base sa inbistigasyon sang mga kapulisan nga napatay sa pagkalumos si Cornelio, wala naman sila sang nakit-an nga posibilidad nga may foul play ang iya pagkapatay bangud wala sang lagob ang iya nga lawas ukon senyales nga ginsakit ini sya.
[image: image.png]
