Bangkay nga ginlubong sa isa ka sementeryo sa Iloilo City, wala naagnas matapos ang napulo ka tuig!

11412

Report sang RMN Roxas

RMN ROXAS EXCLUSIVE:

Roxas City, Capiz- Palamangkutanon pa tubtob sa subong sa pamilya ang natabo sa bangkay sang 74-anyos nga tigulang nga babaye nga ginlubong sa isa ka sa sementeryo sa Christ the King Memorial Park sa syudad sang Iloilo.

Ini matapos nga makaligad ang napulo ka tuig nga nalubong, ginkakibot sang mga ini nga wala nagaka-agnas ang bangkay sini.

Suno puya nga Manang Suzeth, wala sang may anuman nga baho nga masimhotan kag halos nga wala sang may ginbag-o sa panapton sini subong man ang lungon.

Siling sini nga ginpakalkal nila ang lubong sang iloy agud nga dungan na lamang nga ilubong kuntani sa nagtaliwan nga puya.

Suno naman sa isa sa mga crew sang punerarya, kasubong nga buhi ang nasambitan nga bangkay kag nagakatulog lamang. Kumpleto sa gihapon ang iya nga buhok kag mga kuko.

Nahibaloan nga sang Setyembre 27, 2008 napatay ang amu nga lola bangud sa atake sa tagipusuon.

Sa subong, yara padayon nga nakahaya sa isa ka punerarya ang nasambitan nga bangkay sang 74-anyos nga lola.

Facebook Comments