Bangkay nga nasapwan sa syudad sang La Carlota, iya sang asawa sang napatay nga drug suspek nga si Jennifer Mercader

95

Nakilala na ang bangkay sang babayi nga nasapwan sa Field 9-10, Brgy. San Miguel, La Carlota City las 8:34 kahapon sang aga, Setyembre 30.

Suno sa pamilya sang biktima, ini siya ang ginkilala kay Juliet Branzuela Mercader, asawa sang drug suspek nga si Jennifer Mercader nga napatay matapos nagbato sa utoridad sang ginpatigayon ang operasyon sa isa ka manokan sa Brgy. Minoyan, Murcia sang nagligad nga Lunes, Setyembre 28.

Kahapon nasapwan ang bangkay ni Juliet nga hublas na kag yara sa iya luyo ang iya panapton kag pila ka mga personal nga kagamitan kaangay sang aritos, relo, t-shirt kag habak (amulet).

Madumduman nga nagpadulong sa banwa sang Murcia ang utod kag bata ni Jennifer agud nga i-claim ang bangkay sang suspek kag didto natumod nga upod gali niya sa amo nga manokan ang iya nga asawa.

Sa karon may impormasyon nga indi na pag-ipa autopsy sang pamilya ang bangkay sang babayi sa diin ini ang ila dal-on na lamang sa Cebu upod sa bangkay ni Jennifer.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments