BANGKAY SANG BABAYE, NASAPWAN NGA NAGA-UTAW-UTAW SA DAGAT SA BANWA SANG ESTANCIA.

15618

Isa ka bangkay sang babaye ang nasapwan nga naga-utaw-utaw sa dagat malapit sa Isla sang Loguingot sa banwa sang Estancia, Iloilo kaina sang aga, Setyembre 21.
Ginkilala ang bangkay nga si Nelissa Vilches, 37 anyos , pumuluyo sang Barangay Salong, Batad, Iloilo.
Ginpahayag ni Police Major Rene Obregon, hepe sang Estancia Police Station nga nakita sang mga pumuluyo ang nagalutaw-lutaw nga bangkay sang babaye mga alas 9 kaina sang aga.
Gilayon naman ini nga gin-retrieve sang mga katapo sang Philippine Coast guard kag gindala sa Crisme funeral Homes.
Suno kay Obregon nga nagasuprer sang balatian nga kuyap ang biktima kag kahapon nanguha ini sang pakinhason sa baybayon sang Batad apang wala na makapauli.
Ginapatihan nga gin-abot ini sang iya balatian samtang nagapanginhas kabangdanan nga gin-anud sang balud kag napadpad sa banwa sang Estancia.

Facebook Comments

From Advertisers