Bangkay sang lalaki nasapwan sa isa ka manukan.

Bangkay na sang masapwan ang isa ka lalaki pasado alas 8:00 kaina sang aga sa Sitio El Negros, Barangay San Vicente, Banga, South Cotabato.
Sa pakig-angot sang RMN Koronadal kay Police Major Joseph Forro, Hepe sang Banga MPS, ginkilala sang iya amay nga si Carlito Abadiano nga taga Purok Daisy Barangay Malaya, Banga, South Cotabato ang biktima kay Charles Salarocan Abadiano, 28anyos, studyante, residente sang Purok Ilang-Ilang, Barangay Malaya, Banga, South Cotabato.
Dugang pa sang opisyal, may nakit-an nga sunog sa wala nga kamot sang biktima, gasgas sa wala nya nga hita kag tuhod kag pilas nga inagyan sang barbed wire sa iya likod.
Nasapwan suno pa ang bangkay sa sulod sang manukan nga ginapanag-iyahan ni Feliz Galande sa nasambit nga lugar sa diin ginatiniran sang caretaker nga si Romulu Gigatulo.
Sandig sa panaysayon sang caretaker. nakibot na lang sya alas 8:30 kaina sang aga sang makita ang biktima sang biktima matapos magpakaon sang iya mga manok.
Sa subong ginahibalo pa sang awtoridad kun ano ang nangin tunaan sang kamatayon sang biktima.