BANGKAY SANG LALAKI NGA NASAPWAN SA BITAOG TAYTAY, STA. BARBARA, NAKILALA NA.

2279

Nakilala na ang bangkay sang lalaki nga nasapwan sang nakaligad nga gab-i sa higad sang highway sa Barangay Bitaog Taytay, Sta. Barbara.
Suno kay Police Master Sgt. Wilson Saludares sang Sta. Barbara, ginkilala ang biktima nga si Colt Premarion, 23 anyos sang Barangay Pasig, Lambunao, Iloilo.
Ginpahayag ni Saludares nga nakahatag sa ila sang lead sa identity sang biktima matapos nagpadulong sa Sta. Barbara Police Station ang tag-iya sang motorsiklo nga nakita sa lugar sa diin nasapwan ang bangkay sang biktima.
Dugang pa sini nga gintinguhaan nila nga malab-ot ang pamilya sang biktima agud masiguro nga si Premarion gid man ini nga halos indi na makilala ang itsura.
Sa karon padayon sa gihapon ang imbestigasyon sang kapulisan kon ano ang motibo sa krimen kag kon sin-o ang mga suspek nga nagpatay sa biktima.

Facebook Comments

From Advertisers